Бугун Ўзбекистон Республикаси санъат арбоби, Давлат мукофоти совриндори, композитор Анор (Анорқул) Назаров таваллуд топган кун.

Бастакор 1950 йил 5 июнда Тошкент вилояти Бўка туманида таваллуд топган. 1968 йилда М.Ашрафий номидаги Тошкент давлат консерваториясини тамомлаган.

1968−1985-йилларда А.Навоий номидаги ДАКТ оркестри солисти, 1985−1987-йилларда Тошкент шаҳар мусиқа ансамбллари жамоаси бош дирижёри, 1986−1996-йилларда Ўзбекистон телерадиокомпанияси эстрада-симфоник оркестри бадиий раҳбари ва бош дирижёри, 1996−2000-йилларда “Ўзбекнаво” бирлашмаси бош директори, 2000−2002-йилларда эса бадиий раҳбари лавозимларида фаолият юритган.

1995 йил Ўзбекистон Республикаси санъат арбоби, 1997 йил А.Қодирий номидаги Давлат мукофоти лауреати ва 2008 йил “Фидокорона хизматлари учун” ордени билан тақдирланган. У ижодий фаолияти давомида 120 дан ортиқ миллий-эстрада йўналишидаги машҳур қўшиқлар мусиқасини яратган.

Анор Назаров 2019 йил 16 январда вафот этган.

Oyina.uz бугунги сана муносабати билан Анор Назаров куй басталаган энг машҳур қўшиқлар “playlisti”ни тақдим этади:

Муяссар Раззоқова, Аваз Ражабов, “Ватан азиздир”;

Нуриддин Ҳайдаров, Кумуш Раззоқова, Достон Убайдуллаев, “Мен нечун севаман Ўзбекистонни”;

Севара Назархон, “Улуғимсан, Ватаним”;

Зоҳида Умарова, “Юрт қадри”;

Нуриддин Ҳайдаров, “Дўлана”;

Озодбек Назарбеков, “Жон Ўзбекистон”;

“Фаёд” гуруҳи, “Нозланажакдир”;

Гулбаҳор Эрқулова, “Изҳор”;

Дилшодбек Каттабеков, “Озод элнинг ўғлиман”;

Ҳожиакбар Ҳайдаров, “Юр, муҳаббат, кетдик бу ердан”.