Mening zangsoatim — qarilik. Qariyalar nega buncha erta uyg‘onadilar? Ehtimol, hech bo‘lmaganda kunini biroz cho‘zish niyatidadir?

***

Endi o‘zingda yo‘q nimarsa haqda o‘ylashning vaqtimas. Yaxshisi bor narsa bilan nimadir qilish haqida fikrlagan yaxshi.

***

Baxt odamga turfa ko‘rinishda beriladi, uni qanday tanir eding ham? Men, masalan, qanday bo‘lishidan qat’iy nazar, chimdim bo‘lsa ham baxt olar va uning haqiga nima so‘rashsa, to‘lar edim.

***

Odam mag‘lubiyat payti tishini-tishiga bosish uchun yaratilmagan. Odamni yo‘q qilish mumkin – yengib bo‘lmaydi.

***

Uning bari narsasi eski edi – faqat ko‘zlari, uning ko‘zlari dengizdan rang olgan, yengilish nima bilmaydigan quvnoq kishining ko‘zlari edi…

***

U ahvolimni yaxshi deb o‘ylagani tuzuk, shunda mening ahvolim ham yaxshi bo‘ladi.

***

Nimaning gunoh, gunoh emasligi haqda o‘ylashning keragi yo‘q. Dunyo bundan-da muhim o‘ylovlarga to‘lib yotibdi.

***

Qariya dengizni ayolni o‘ylagandek xayolidan chiqazmasdi, dengiz unga xuddi ayol kabi buyuk iltifotlar qilar, yo ularni tortib olar va agar u tasavvurga sig‘maydigan qiliqlar qilgudek bo‘lsa – qo‘lingdan nima ham kelardi, tabiati shu.

***

Dengizdagi odam hech qachon yolg‘iz bo‘lmaydi.

***

Hech narsa ikki marta takrorlanmaydi.

Alisher FAYZULLAYEV tayyorladi.