Ozarbayjon xalq shoiri Voqif Samadoʻgʻlini dafn etish marosimida koʻpchilikni hayajonga solgan bir voqea yuz beradi. Shoir koʻmilgan qabr oldiga uning muxlisi boʻlmish yosh talaba qiz tomonidan bir juft oyoq kiyimi qoʻyildi. Uning yonida Voqif Samadoʻgʻlining mashhur sheʼri qoʻlda yozilgan bir varaq oq qogʻoz ham bor edi:

«Məzarıma

nə başdaşı qoyun,

nə heykəl.

Bir cüt ayaqqabı qoyun,

ayağıyalın

geyib getsin…».

(Mozorimga

na qabrtoshi qoʻying.

na haykal.

Bir juft poyabzal qoʻying,

oyoqyalang

kiyib ketsin…)

Muxlisaning buyuk shoirga boʻlgan muhabbatini bu tarzda namoyon etgani marosim ishtirokchilarini qattiq hayajonga soldi. Voqif Samadoʻgʻlining umr yoʻldoshi Nushaba xonim bu holatni shoirga boʻlgan xalq muhabbatining ifodasi deb aytadi.

Xurshid Davron