O‘zingga yoqadigan bir narsani top va o‘sha seni o‘ldirishiga qo‘yib ber – Bukovskidan 15 iqtibos


Saqlash
12:11 / 16.11.2022 0 172

Asli kelib chiqishi nemis bo‘lgan amerikalik yozuvchi, shoir, jurnalist Charlz Bukovski “isqirt realizm” yo‘nalishining yorqin vakillaridan biri; uning hayotga, jamiyatga nisbatan teran falsafiy nigohi doim kitobxonlarga qiziq bo‘lgan. U ko‘zlari bilan ko‘rib turgan hayotni qoramtir (kir) ranglar bilan tasvirlar ekan, ba’zida bu asarlarda nekbinlikning yo‘qligi odamni bo‘g‘ib yuboradi, ammo oxir-oqibat o‘quvchi Bukovski haqiqatlarini, hatto uning o‘zini ham boricha qabul qila boshlaydi. Quyida adibning 15 iqtibosi taqdim etilmoqda.

 

1. Bu dunyoning muammosi shundaki, tarbiyali odamlar o‘ziga nisbatan shubhaga to‘la, ahmoqlar esa ishonchga.

 

2. Dunyoni qutqarmoq uchun har bir odamni alohida, birin-ketin qutqarish lozim; barchani qutqarish – bu romantizm, yo siyosat.

 

3. Yozuvchi degani hayotdan qo‘l siltagan odam, agar uning umidi bo‘lsa, u yozuvchi bo‘lishni tark etadi.

 

4. 25 yoshida har bir odam daho, 50 ga yetganda esa buning uchun nimadir qilishga majbursiz.

 

5. Bir odamni alday olganing uning laqmaligini anglatmaydi, aksincha, senga loyiq ekaningdan ortiq ishonilganidan dalolat bu.

 

6. Go‘zallik – arzimas narsa. Xunuk bo‘lganing uchun xursand bo‘lishing kerakligini o‘zing ham anglamaysan, axir odamlarga yoqa boshladingmi, bilki, gap butunlay boshqa masalada.

 

7. – Sendagi eng yoqimli narsa, – dedi Lidiya, – bu sening televizoring yo‘qligi.

 

8. O‘zingga yoqadigan bir narsani top va o‘sha seni o‘ldirishiga qo‘yib ber!

 

9. Mening ambitsiyalarim mening tanballigim bilan cheklangan.

 

10. Bizning paytimizda yaxshi odamni topish mushkul.

 

11. Hammamiz o‘lamiz, bitta qolmay, xo‘sh, bu tomoshalar nega? Bitta shuning o‘zi bir-birimizni sevishga, qadrlashga majbur qilishi kerak edi, ammo yo‘q. Biz o‘ta mayda narsalar tufayli qo‘rquvga tushib ezilamiz, arzimas narsalar uchun ich-etimizni yeymiz.

 

12. Ko‘pchilik adolat haqida bu shaxsan ularga tegishli bo‘lgandagina gapirib qoladilar.

 

13. Adabiyotsiz hayot – jahannam.

 

14. – Kimlardir hali ham sizning she’rlaringiz vaqtni bekorga sarflash deb qabul qilar ekan. – Nima vaqtni bekorga sarflash emas ekan? Ba’zilar marka yig‘adilar, yana birovlar o‘z buvilarining joniga qasd qilish payida yuradilar. Barimiz shunchaki kutamiz, mayda-chuydalar bilan vaqt o‘tkazgancha o‘limimiz kelishini kutamiz.

 

15. Odamzod – o‘z imkoniyatlarini bekorga sarflovchi noumid mahluq.

 

Alisher FAYZULLAYEV tayyorladi.

Izoh yo‘q

Izoh qoldirish

So‘nggi qo‘yilgan

Barchasi

Qatra

11:45 / 05.12.2022 0 45
Afsonaning o‘limi

Qatra

16:46 / 02.12.2022 0 66
Mehr

Qatra

16:35 / 02.12.2022 0 63
Nafaqa



Ko‘p o‘qilgan

Barchasi

Qatra

20:36 / 07.12.2021 38 43805
Oppoq qog‘oz va qora dog‘

Hikmat

20:05 / 02.12.2021 0 3050
Eshikka osilgan taxtacha

Hikmat

10:22 / 21.10.2021 0 2109
Til – dil kaliti

Qomus

11:57 / 29.12.2021 0 1980
Kompetentlik

Bilasizmi?

09:48 / 23.09.2021 0 1846
Do‘ppilarimiz haqida qiziqarli 5 ta fakt

Bilasizmi?

11:46 / 11.10.2021 1 1695
Kashtachilik san’ati tarixi haqida bilasizmi?

Bilasizmi?

11:03 / 24.11.2021 0 1492
Turkistondagi birinchi musulmon banki haqida bilasizmi?

Qomus

11:58 / 24.11.2021 0 1477
Irfon