Yerto‘ladan chiqqanimdan so‘ng do‘kon yaqinida kaliti bilan turgan mashinaga ko‘zim tushdi. Ikki soat davomida uni kuzatib turdim, egasini kutdim –  kelmadi. Oilamni olib, mashinaga o‘tirdim va Vinnisaga –  qarindoshlarimnikiga yo‘l oldim.

Bir payt mashina qutisida turgan telefon raqamiga ko‘zim tushdi. Bu mashina egasining telefon raqami ekan. Qo‘ng‘iroq qildim:

–   Kechirasiz, men sizning mashinangizni o‘g‘irlab ketdim. Oilamni qutqarishim kerak edi.

–   Tushunaman, aslo havotir olmang. Mening to‘rtta mashinam bor. O‘z oilamni “Jip”da olib chiqdim. Qolgan mashinalarni kalitlari bilan shaharning turli joylarida qoldirdim. Qog‘ozga esa telefon raqamimni yozib qo‘ydim. Mashinalarni olib ketganlarning hammasi qo‘ng‘iroq qilishdi. Tinchlik bo‘lsin, ko‘rishguncha. O‘zingizni asrang!