Tvitter shunaqa joy, masalan, yozasiz:

 “Men mevalardan olmani yaxshi ko‘raman”.

Izohlar bu shaklda ketadi:

– Ha, nok senga nima qildi, alaming borda, a?

– Bo‘lmagan gap, erkaklarga yoqish uchun olma deyapti, aksida, nega shaftoli demadi?

– Negativ gap yozyapsiz, depressiyadamisiz?

– Meni katta xolamni o‘g‘li ham olmani yaxshi ko‘radi.

– Olmani yaxshi ko‘radiganlarni yaxshi ko‘raman.

– Ey, sen, nega erkaklarga yoqish uchun yozdi deyapsan, erkakman, olmani yoqtirmayman, dura.

– O‘zing durasan, toshingni ter, senga yozganim yo‘q, tvit egasiga yozdim.

– Ha, femkamisan? Femka ekansan-ku, alamzadasan.

– Feministlar olmani yaxshi ko‘radi.

– Yo‘q bu nimadan norozi, nega olma yegisi kelib qolibdi.

– Mana ayollarni bo‘sh qo‘yish oqibati, ko‘ngillari har narsani tusayveradi.

– Erkaklar senga qulde, a, seni olma yeging keldi, biz itdek ishlab senga olma olib berishimiz kerak, tiiiit.

– O‘zini kim deb o‘ylayapti.

– Olmalarni o‘ziz ekarkansizde, a, reklama qivosmi?

...

Retvitlar:

– Femkalarga o‘lim.

– Olma yeguncha shaptoli yesang-chi.

– Bularga faqat pul kerak.

– O‘zi ekib qo‘ygandek, olmalashini.

– Men olmani yomon ko‘raman, fu.

– Nima demoqchi bu, kim ekan u olma. Yaxshi ko‘rsa bizga nima?

Siz biron tvitni fikringizni yozib retvit qilsangiz, boshqalarni tvitlarini aynan yuqoridagidek r/t qiladiganlar:

– Hm, doimo aytaman, u nas lyudi ne adekvatniy, qo‘yvuring.

– To‘ba.

– Fikriz to‘g‘ri, qo‘shilaman.

– GIF

– Nme bunaqa retvit qivos, bu mani tanishim, bilmey har nimala dvurmen, xopmi. Hazil qivotilayu, zo‘r odam ula, tshundizmi.

– jpg38.

– Urushmela.

– Nima yedila, ey, qorin ochip kettiku...

Agarda she’r, iqtibos yoki boshqa ilmiy narsa qo‘ysangiz:

Falonchi fismonchiyevga nravitsya vash tvit.

Vse! Tugadi.

Dono BEKJANOVA