Imperiya (lot. imperium – hokimiyat, hukmronlik) – 1)monarxiyaga asoslangan davlat bo‘lib, uning tepasida imperator turadi; 2)mustamlaka va qaram mamlakatlar xalqlari ustidan o‘z hukmronligini kuch bilan o‘rnatgan va bu hukmronlikni qattiq zulm va ekspluatatsiya tizimi yordamida ushlab turgan mustamlakachi davlat. Ayrim yirik monarxiya davlatlari o‘tga asrlarda imperiya deb atalgan. Rossiya Pyotr Birinchi davridan (1721) bolsheviklar diktaturasi o‘rnatilguniga qadar (1917), Fransiyada Napoleon Birinchi va Napoleon Ikkinchi davrida, Germaniyada 1871-yildan to 1818-yildagi davlat to‘ntarishiga qadar imperiya hukmronlik qilgan. Shuningdek, mustamlakalari bo‘lgan yirik davlatlar, masalan, Buyuk Britaniya dominion va mustamlakalari bilan birga Britaniya imperiyasini tashkil etgan.