Abulqosim Mahmud AZ-ZAMAXShARIY

***

Farzand uchun otaga nisbat sharafliroq va mashhurroq, ya’ni falonchining o‘g‘li deb atalar, ammo ona esa doimo shafqatliroq va matlabliroqdir.

***

Odamning sirtiyu  botini(ichi) to‘g‘ri, salomat va tuzuk bo‘lsa, uning zohiri(tashqarisi) ham saxiy va salim bo‘lur.

***

Agar tilingga egalik qila olmasang, unda tizgining jilovini shaytonga topshirgan bo‘lasan.

***

Momaqaldiroqli yomg‘irning yog‘ishi rostgo‘y (haqgo‘y) kishining va’dasiga vafosi  kabi yoqimlidir.

***

Ba’zi vaqtda ortiqlik ziyon keltiradi. Masalan, bir qo‘lda oltita barmoq bo‘lsa, bu ortiqlik emas, kamchilik (nuqson) hisoblanadi.

***

Yeru zaminning ko‘rkamligi olimlar bilan bo‘lsa, osmonu falakning ziynati yulduzlar bilandir.

***

Quyosh nurlarini bekitib bo‘lmaganidek, haqiqatning chirog‘ini ham so‘ndirib bo‘lmaydi.

“Nozik iboralar” kitobidan