Toshkentdan yo‘lga chiqqan “Neksiya” bir soatda Guliston shahriga yetib bordi. Poytaxt aeroportidan havoga ko‘tarilgan “Boing-767” havo layneri bir soatda Nukus shahriga borib qo‘ndi. Mittigina jonzot asalari esa bir soatda 65 kilometr masofaga uchdi.

Yer sayyorasi sekundiga o‘ttiz kilometr tezlikda bir soatda koinotda 1 mln 648 ming kilometr yo‘lni bosib o‘tdi. Bir soatda bir mlrd kilometrdan ziyod masofani  kesib o‘tgan quyosh nuri Saturn sayyorasiga borib yetdi.

Bir soatda dunyoda 7500 nafar, O‘zbekistonda esa 50 nafar chaqaloq olamga keldi. Yaponlarning  mashhur “Toyota” kompaniyasi bir soatda bir yarim dona avtomobil ishlab chiqardi.

AQSH armiyasi generali Stiven Xillsdeyl o‘z mamlakatida bir soatda odamni Yerning istalgan nuqtasiga yetkaza oladigan texnologiya yaratilganini ma’lum qildi.

Sen esa Toshkentning Qoraqamish mavzesidan 76-yo‘nalishdagi avtobusga o‘tirib, bir soat deganda zo‘rg‘a Beshyog‘och maydoniga yetib kelding.

     Abdumajid AZIMOV