Liftni yaratish g‘oyasi hech kimga tegishli emas. U  juda uzoq vaqtlar     davomida rivojlangan. Sababi liftlarning mexanik qonunlari asrlar davomida amalda bo‘lgan.

Qadimgi yunonlar blok va chig‘irlardan foydalanib buyumlarni yuqoriga olib chiqishni bilishgan. Buni tasavvur qilish uchun bugungi kunda ko‘p qavatli uylarda yashovchilar kir ilishda foydalanadigan dorni ko‘z o‘ngingizga keltiring.

Blok – o‘yiq g‘ildirak, ya’ni atrofida arqon harakatlanishi uchun mo‘ljallangan moslama. Harakatlanayotgan arqon liftni yuqoriga chiqarish yoki aksincha pastga tushirishga xizmat qiladi. Liftning qarama-qarshi tomoniga yuqori og‘irlikka ega qandaydir buyum o‘rnatiladi.Buyum pastga tushganda, lift tepaga ko‘tariladi. Agar jism tepaga qarab harakatlansa, demak, lift pastga qarab harakatlani.

XVII asrda “uchar stul” kashf qilingan. U odamlarni binoning yuqori qavatiga olib chiqish uchun loyihalashtirilgan va blok hamda toshlar yordamida boshqarilgan. Stul va uning mexanizmi binoning tashqarisida bo`lgan. “Uchar stul” unchalik ham mashhur bo‘lolmagani uchun ommlashmagan

XIX asrning birinchi yarmi davomida liftlar allaqachon mavjudlikka aylangan edi. Ammo ulardan ko`pincha yuk tashuvchi kema yoki samalyotlarda foydalanilgan.

Odamlarda shunday qo‘rquv  bo`lgan: liftni tutib turgan arqon uzilib ketadi va lift qulaydi. Keyinchalik Elisha Otis bunday voqealardan himoya qiladigan xavfsiz uskuna yaratadi va liftlar ommalasha boshlaydi. Shuningdek, o‘sha vaqtda liftlarni tepaga ko‘tarib pastga tushirish uchun gidravlik kuchi (suyuqlik bosim ostida bo‘ladi) dan ham foydalanila boshlangan.

Bugungi kunda biz foydalanadigan elektron liftlarni nemis injeneri Verner von Siemens takomillashtirgan.