Sartaroshxonada soch oldirgan gulchining uzatgan pulini sartarosh olmabdi.

– Bu hafta xayriya tariqasida soch olishga ahd qilganman, – tushuntirish beribdi u.

Gulchi minnatdorlik bildirib, sartaroshxonani tark etibdi.

Ertasiga ertalab do‘kon ochgani kelgan sartarosh ostonada bir dasta atirgul-u, minnatdorlik so‘zlari izhor etilgan xatni ko‘ribdi.

Shu kuni uning huzuriga soch-soqol oldirgani bir novvoy kelibdi.

– Bu hafta xayriya tariqasida soch olishga ahd qilganman, shu bois pulingizni olmayman, – debdi sartarosh, novvoy uzatgan pulni olishdan bosh tortib.

Novvoy minnatdorlik bildirib, sartaroshxonani tark etibdi.

Ertasiga ertalab do‘kon ochgani kelgan sartarosh ostonada bir savat kulcha-yu, minnatdorlik so‘zlari yozilgan xat topibdi.

Shu kuni uning huzuriga soch-soqol oldirgani bir amaldor shaxs kelibdi. Ahvol takrorlanibdi.

Ertasiga ertalab ishga kelgan sartarosh do‘kon oldida bola-chaqasi bilan turgan bir gala amaldorlarni ko‘ribdi...

Ahmed Korjioglu