Millatimizni zaif ahvolga solgan sabablardan biri atrofimizda yurgan do‘st suratidagi hiylakorlarga nisbatan soddaligimizdir. Holbuki, inson har qanday va’daga aldanavermasligi, har bir yo‘l ko‘rsatuvchiga ishonavermasligi lozim.

Hikmat Ziyo

Shaxsingizga dushmanlik qilganni afv etingiz. Lekin vataningizga, millatingizga va diningizga dushmanlik qilgan kishini kechirmangiz.

Ali ibn Abu Tolib

Kishining olim bo‘lishiga Alloh taolodan qo‘rqmog‘i, ilmsiz qolishiga esa amaliga mag‘rurlanishi kifoya qiladi.

                                                                                                      Masruq

Istamay mutolaa qilayotgan talaba – qanotsiz qush.

Sa’diy Sheroziy

Bugun sizlar havoyi nafslar ilmga tobe zamonda yashayapsiz. Hali shunday zamonlar keladiki, unda ilm havoyi nafslarga tobe bo‘ladi.

Abdulloh ibn Mas’ud

Ilm fikrning xos mevasidir. Agar qalbda ilm hosil bo‘lsa, holati o‘zgaradi, holati o‘zgarsa, a’zolarning amali o‘zgaradi. Bas, amal holatga, holat ilmga, ilm fikrga tobedir.

Abu Homid al-G’azzoliy

Dunyoda olimlarning xushomadgo‘yligi bo‘lmaganida, zolimlar zulmga jur’at qilolmasdilar.

Abdulfattoh Shohin

Ilmdan azizroq narsa yo‘qdir. Podshohlar odamlarga hokim bo‘lsalar, olimlar podshohlar ustidan hokimdir.

Abul Asvad

Olimlar, fozillar, adiblar davlatning tanasidagi kuchdir. Ularga iltifot va ikromda bo‘l... Shunday yo‘l tutginki, hukumatingda orif arboblar, fazilatli insonlar va olimlar ko‘paysin.

Usmon G‘oziy

Insonni xalq bilan bilimdan boshqa hech nima bog‘lay olmaydi. Kimki gunohlarga botgan bo‘lsa, ulardan faqat bilim orqali forig‘ bo‘lishi mumkin.

Majididdin Xavofiy

Yunon faylasuflari avom xalqi uchun emas, balki yuqori tabaqalar uchun usul va qoidalar ishlab chiqqanlar.

Abu Rayhon Beruniy

Bizdan oldin kelib-ketganlarning bu dunyoda izlari bor, bizdan keyin keladiganlarga esa biz iz qoldiramiz. To‘g‘ri iz qoldirgan kishi qandayin baxtli!

Muhammad Kamol Pilav

Ey xoja, qachongacha boylik to‘playsan, ular o‘limingdan keyin qolib ketadi-ku! Agar Xorun xazinasini jamlasang ham, baribir sening ta’magirliging va ochko‘zliging tugamaydi.

Husayn Voiz Koshifiy

Haddan oshgan g‘azab qo‘rquv tug‘dirar, me’yorsiz erkalash olomon ko‘z o‘ngida obro‘yingni to‘kur.

Sa’diy Sheroziy

Yoshlarimiz zamonaviy va ijtimoiy fanlarni o‘rganmoqlari zarur. Aks holda hayotning oxirgi g‘ildiragiga aylanamiz, tariximizga, ajdodlarimizga, millatimizga, dinimizga xiyonat qilgan bo‘lamiz. Islomning ilk farmoniga ijobat qilmoq – o‘qimoq dinimiz amridir.

Abdulfattoh Shohin

O‘rtadan nifoqni ko‘taringiz! Turkiston bolalarini ilmsiz qo‘ymangizlar! Hammaga ozodlik yo‘lini ko‘rsatingizlar! Ozodlikni tezlik ila yuzaga chiqaringizlar! Bizlar ul choqda qabrimizda tinch yoturmiz!

Mahmudxo‘ja Behbudiy

“Sharq haqni topdi...” kitobidan olindi.