Dunyodagi eng qadimiy kitob do‘koni hisoblangan “Bertrand” 1732 yilda Portugaliyada fransuz Pedro For tomonidan ishga tushirilgan. Barpo etilganiga 300 yildan oshiq vaqt o‘tgan mazkur g‘aroyib maskan hozirgacha zilzilayu sel kabi tabiiy ofatlar bilan bir qatorda fuqarolar urushi, to‘qqiz qirol hokimiyati, bir qirol qatli, respublikaning o‘n olti prezidenti boshqaruvi davriga guvoh bo‘lgan. Shuningdek, u olti marta davlat to‘ntarishi, uch marta respublika, ikki marta jahon urushi va Yevropaning birlashuvini ham boshdan kechirgan.

O‘tgan yillar mobaynida Bertrand kitob do‘koni alohida tashkilotga aylangan va bugun uning 50 dan ortiq filiallari mavjud bo‘lib, Portugaliyaning eng katta kitob sotuvchi brendlaridan biri hisoblanadi. Bu yerda davomiy ravishda adabiy kechalar, she’riyat bayramlari, seminarlar o‘tkaziladi hamda adabiy kurslar ham tashkil etilgan.

Rahmat BOBOJON tayyorladi