Didimizning tarozisi buzilib qolganmi?


Saqlash
17:06 / 06.06.2024 0 1021

Yaqinda YouTube`da Abdulla Oripovning o‘zi o‘qigan “Tug‘ilish” nomli she’rini tingladim. She’r kelajakka maktub tarzida yozilgan va shoirning o‘zi “Kelajak mendan tili qisiq emas, meni unutishga tayyor, lekin kimdir, bir bobomiz bizni o‘ylab yozgan ekan, deya o‘qisa ajab emas” deb kamtarlik qilgan. She’r komil inson orzusida bitilgan teran, dardli she’r.

 

Bu she’rning internetga qo‘yilganiga 4 yil bo‘libdi. To‘rt yil ichida jami 11000 kishi lavhani ko‘rgan. 4 yilda 11 000 kishi! Meni o‘ylantirib qo‘ygan joyi ham shu. O‘zbekiston 11 ming kishilik mahalla yo qishloq emas. Xudoga shukrki, 36 millionlik katta xalqmiz. Shu nufuzga qarab baholasak, bu she’rni kamida 11 million odam ko‘rishi kerak edi.  Zero, uncha-muncha shoirmas, bizga zamondosh daho shoirning kelajakka aytadigan gapi nima ekan deb qiziqishlari kerak edi.

 

Shu jarayonda men yana bir illat haqida o‘ylab qoldim. Agar internetda shu ulug‘ she’r o‘rnida ikkita xotinning bozorda bir-birining yuzini tirnab, sochini yulib yoqalashib yotgani qo‘yilganida bormi, bu mashmashani ikki kunda 2 milliondan ko‘p odam ko‘rishi aniq edi.

 

Xullas, didimizning tarozisi buzilib qolganmi, degan o‘yga bordim.

 

Yana bir gap, she’rda shunday satrlar bor:

 

Men bunday kaslarni topmadim o‘ylab,

She’rni ham yozmadim aslo atayin.

Qofiya ustida yetmish yil o‘ynab,

Bir jiddiy gapni ham endi aytayin.

 

Xo‘sh, shoirning 70 yillik xulosasi – jiddiy gapi nima edi? Buni “Tug‘ilish” she’ridan bilib olasiz.

 

Eshqobil SHUKUR

Izoh yo‘q

Izoh qoldirish

So‘nggi qo‘yilgan

Barchasi

Qatra

15:04 / 17.04.2025 0 198
Marhamat aya sog‘inchi

Bilasizmi?

10:04 / 08.04.2025 0 241
Narxning navosi

Bilasizmi?

17:03 / 12.03.2025 0 1539
Turkistondagi qadimiy ayollar bayrami



Ko‘p o‘qilgan

Barchasi

Qatra

01:12 / 08.12.2021 143 224255
Oppoq qog‘oz va qora dog‘

Hikmat

01:12 / 03.12.2021 88 107429
Eshikka osilgan taxtacha

Qomus

22:08 / 04.08.2023 4 54160
Milliy urf-odatlar

Qomus

17:04 / 17.04.2023 1 39114
Xarakter

Qomus

17:09 / 18.09.2023 0 38713
Nutq. Nutq madaniyati. Nutq odobi

Qomus

20:07 / 28.07.2023 5 30533
Mehmon. Mehmondorchilik odobi. Mehmondo‘stlik

Qomus

16:12 / 29.12.2021 4 30200
Kompetentlik

Qomus

17:05 / 03.05.2023 1 29552
Alpomish

//