Tabiiy borliq – insonni oʻrab turgan butun olamning namoyon boʻlishi, xilma-xil shakl va koʻrinishdagi borliqni anglatuvchi falsafiy tushuncha tabiiy borliq tuzilishi miqyosiy va tashkiliy tuzilish darajalariga ajratiladi. Tabiiy borliq obyektlar miqyosi bilan farq qiluvchi 3 ta miqyosiy tuzilish darajalariga boʻlinadi. Ular: mikrodunyo, makrodunyo va megadunyo. Tabiiy borliqning tuzilmaviy shaklini uning sifat jihatdan rivojlanishi nuqtai nazaridan olib qaralsa, moddiy olam bu holda ham 3 ta darajaga ajratiladi: anorganik dunyo (notirik tabiat), organik dunyo (tirik tabiat) va ijtimoiy dunyo (jamiyat). Ular bir-biridan xilma-xilligi, nisbiy mustaqilligi va faolligi bilan farq qiladi. Umuman olganda, tabiiy borliqni darajalarga ajratish nisbiy boʻlib, gnoseologik ahamiyat kasb etadi.