Poststrukturalizm (neostrukturalizm) – struk turalizm negizida vujudga kelgan va uni qayta koʻrib chiqishga qaratilgan falsafiy taʼlimot. Lingvistik strukturalizm asoschisi F.Sossyur va strukturalizmning yirik vakili Klod Levi-Stroslar fikricha, anʼanaviy falsafiy usul va lingvistik qoidalar va boshqa ijtimoiy nazariyalar bilan dunyoni izohlab boʻlmaydi. Ularni tubdan qayta koʻrib chiqish kerak. Poststrukturalizm strukturalizm namoyandalari J.Derrida, Fuko va Lakon taʼlimotlariga suyanib, ilgarigi lingvistik nazariyani «qayta konstruksiya qilish asosida fenomenologiya sohasini, Sossyurning lingvistik qarashlari, strukturalizm va Lakanning ruhiy tahlilini tanqidiy tahlil qilgan. Sossyur lingvistik belgilarni termin va tovushda ifodalashning bir-biridan farqini koʻrsatgan boʻlsa, poststrukturalizm vakillari bu terminlarning bir butunligi, bir xilligi maqsadga muvofiq emas, deb hisoblaydi. Bu tushunchalar turli maʼnoga ega boʻlgani uchun ularga mukammal taʼrif berish mumkin emas, deb taʼkidlaydi. Umuman olganda, poststrukturalizm strukturani butunlay rad etmaydi, balki unga yangicha munosabatda boʻlishni talab etadi.