Pedagogika (yunoncha pais – bola, agogos – rahbar) – tarbiya haqidagi taʼlimot, fan; tarbiyalash sanʼati. Pedagogika tarbiya va taʼlim sohasiga tegishli bilimlar yigʻindisidir. U tarbiyaning mohiyati, maqsadi, vazifalari va qonuniyatlarini, uning jamiyat hayoti va shaxs taryotidagi rolini, taʼlim jarayonini oʻrganadi. U tarbiya nazariyasi, didaktikani oʻz ichiga oladi. Pedagogika falsafa, psixologiya, odam anatomiyasi va fiziologiyasi singari sohalar bilan bogʻlangan. Bugungi kunda pedagogika koʻplab tarmoqlarga boʻlingan ilmfan sohasiga aylangan. Bolalar pedagogikasi, professional taʼlim pedagogikasi, oilaviy tarbiya pedagogikasi, oliy oʻquv yurtlari pedagogikasi, harbiy pedagogika, madaniy-oqartuv ishlar pedagogikasi, defektologiya, pedagogika tarixi va boshqalar shular jumlasidandir.