Jahon adabiyotidagi mashhur asarlar asosida filmlar suratga olinishi, qahramonlariga  haykallar qo‘yilishi oddiy holga aylangan. Ammo ularga atab kichik shaharchalar qurilgani haqida eshitgansizmi?

Garri Potter obrazining shuhrati 24 yildan buyon so‘ngan emas. Dunyo bo‘yicha Joan Roulingni sevib o‘qiydigan, kitob asosida yaratilgan filmni qayta-qayta tomosha qiladigan turli yoshdagi pottermenlar minglab topiladi.

Endi Garrining muxlislari uning olamiga bemalol sayohat qilishi, Hogvartga borib o‘qishi, film qahramonlari bilan yonma-yon yurishi mumkin. Tokioda yangi Garri Potter bog‘ining qurilishi bilan muxlislar ajoyib xayoliy olamga qadam qo‘yish imkoniyatiga ega bo‘ladi.

Yangi shaharchada nimalarga duch kelish mumkin? Kino ishqibozlari sahna ortidagi tajribalarning guvohi bo‘ladi, Garri Potter ta’lim olgan maktab bilan qiziqqanlar darslarda qatnashib ko‘ra oladi. Qahramonlarning asil liboslari ko‘rgazmasi, filmdan parchalar namoyishi ham rejalashtirilgan.

 Londondagi Garri Potter shaharchasi.

Bog‘ga hozircha 30 ming kvadrat fut (3 ming m2) maydon ajratilgan. Piyoda sayr qilish uchun taxminan yarim kun kerak bo‘ladi.

2012-yili Londonda ham Garri Potter shaharchasi (maydoni 14 ming m2) ochilgan edi. Tashrif buyuruvchilar soni bo‘yicha diqqatga sazovor joylar qatorida tezda yuqori o‘rinlarga chiqib oldi. Tokioda esa yanada ajoyib sarguzashtlar bo‘lishi kutilmoqda.

 Londondagi Garri Potter shaharchasi.

Garri Potter ishqibozlari yangi bog‘ga 2023-yildan tashrif buyurishi mumkin.