Zolushkaning tuflisi billurdan bo‘lardi, esingizdami? Ammo bu xato, to‘g‘rirog‘i, chalkashgan ma’lumot ekan.

Aslida Zolushkaning oyog‘idagi tufli olmaxon terisidan tikilgan bo‘ladi. Bu anglashilmovchilik fransuz tarjimonlarining xatosi tufayli yuz bergan. Chunki fransuz tilida vair so‘zi – “olmaxon mo‘ynasi” degan ma’noni bersa, verre so‘zi esa “billur shisha” ma’nosida keladi. Tarjimonlar aynan shu so‘zlarni chalkashtirib yuborgan edilar.

Aslida buyuk ertakchi adib Sharl Pero o‘zining 1697-yilda yozgan “Zolushka” asarida olmaxon mo‘ynasidan tikilgan boshmoqni nazarda tutgan edi. Ulug‘ adib o‘sha paytda Yevropa salonlarida urfga aylangan olmaxon mo‘ynasidan tikilgan tuflilarni kiygan xonimlardan ilhomlangan ekan. Bunday tuflilarga esa fransuz qiroli Lyudovik XIVning mahbubalaridan biri madam Fransuaza Skarron asos solgan.