Madaniyatsizlik – insoniyatning moddiy va ma’naviy boyliklari, kashfiyot, yangilik, ijod namunalari, maishiy va ma’naviy sohalarda erishilgan yutuqlar, qadriyatlar, madaniyat va ma’naviyatdan bebahralik yoki madaniy boyliklarga bepisandlik, tarbiyasizlikni ifoda etadigan tushuncha. Madaniyatsizlikni ta’lim-tarbiya, ma’naviy-madaniy, ma’rifiy tadbirlar vositasida bartaraf etish, kishilarning madaniy saviyasini oshirish, yuksaltirish mumkin. Yurtimizda madaniyat yangiliklarini ommalashtirish va keng targ‘ib etish maqsadida teatr, klub, muzey, kutubxona, markaz va saroylar, turli xil madaniyat o‘choqlari, tarbiya va ta’lim muassasalarini barpo etish va faoliyat samaradorligini oshirish borasida amalga oshirilayotgan sa’y-harakatlar ana shu maqsadni ko‘zlaydi.