Har yili “Mercer Cost of Living Survey” tashkiloti  shaharlarni uy-joy, transport va oziq-ovqat narxi kabi omillariga asoslanib, dunyodagi yashash uchun eng qimmat joylarni aniqlab keladi.

O‘tgan yilgi ro‘yxatda Gongkong birinchi o‘rinda ekani e’lon qilingan edi. Bu yil esa “Mercer”ning yashash qiymati tadqiqoti kutilmagan natijalarni ko‘rsatdi –  Turkmanistonning Ashxobod shahri oldingi qatorlarni egalladi.

Ashxobod xorijdagi ishchilar kelib yashashi uchun dunyoning eng qimmat maskani deb topildi. “Mercer” ma’lumotlariga ko‘ra, bir milliondan ortiq aholiga ega shahar davom etayotgan oziq-ovqat tanqisligi va giperinflyatsiya tufayli ikkinchi o‘rindan birinchilikka ko‘tarildi.

Eslatib o‘tamiz, tadqiqot davomida 200 dan ortiq xarajatlar hisoblab chiqiladi.

209 ta shahar ro‘yxati keltirilgan “Mercer” reytingida Gonkong ikkinchi o‘rinni egallagan. Livan poytaxti Bayrut esa oʻtgan yilgi portdagi yirik portlash keltirgan inqiroz tufayli 45-oʻrindan uchinchi oʻringa koʻtarilgan.

Reytingga ko‘ra, dunyoning eng arzon shaharlari o‘ntaligiga Toshkent ham kiritilgan.