Quyidagi fotosuratlarda kitob mutolaa qilayotgan 73 yoshli Aziz Muhammadni ko‘plab internet foydalanuvchilari tanisa kerak. 15 yoshidan beri Rabotning Madina shahridagi kitob do‘koniga egalik qilayotgan qahramonimiz shu kungacha odamlardan 4 mingga yaqin kitob yig‘ib chiqqan. Oliy ma’lumotga ega bo‘lmasa ham, u butun umrini mutolaaga bag‘ishlashni niyat qilgan. Hozirda u arab tili bilan birgalikda fransuz tilidagi kitoblarni ham bemalol o‘qiy oladi.

Muhammadning kolleksiyasi juda katta bo‘lib, mo‘jazgina do‘konini to‘ldirgan kitoblar ko‘chaga ham joylashtirilgan. Kitobxonlar bu yerdan 1940-yillargacha nashr etilgan adabiyotlarning yo‘q bo‘lib ketgan nusxalarini-da topishi mumkin.

Aziz Muhammad kolleksiyasidagi barcha kitoblar nomini biladi va ularni o‘qib chiqishga harakat qiladi. Uning aytishicha, avvalgi yillarga nisbatan hozirda xotin-qizlar orasida kitobxonlik ancha rivojlangan. Ammo yoshlar kamdan kam ko‘rinadi. Ma’lumotlarga ko‘ra, bugungi kunda Marokashdagi kitobxonlarning deyarli 70 foizi katta yoshlilarga to‘g‘ri keladi.