Davlat bayrogʻi


Saqlash
15:05 / 26.05.2023 0 626

Davlat bayrogʻi – har qanday davlatning oʻtmishi, davlatchilik an’analari, siyosiy tuzumi, iqtisodiy salohiyatini ifoda etadigan ramzlardan biri. Davlat bayrogʻi maxsus qonun bilan yoki Konstitutsiya asosida rasmiylashtiriladi. Davlat bayrogʻi – mustaqil davlat va unda yashovchi fuqarolar daxlsizligining aniq ifodasidir. Davlat bayrogʻi ayni shu davlatdagi milliy, harbiy va partiyaviy birlik hamda uyushmalarning ham ramziy belgisidir. Davlat bayrogʻi odatda bir rangli yoki koʻp rangli matodan iborat boʻlib, uning bir tomoni dastaga mahkamlanadi. Matoga ba’zan turli emblema va belgilar tushiriladi (masalan, Shveysariya bayrogʻida oq rangli xoch, Shri-Lanka bayrogʻida – qilich ushlagan sher, Kanada bayrogʻida – zarang daraxtining yaprogʻi tasvirlangan). Davlatning ramziy belgilaridan biri sifatida davlat bayrogʻining shakllanish tarixi uzoq davrlarga borib taqaladi.

 

Davlat boshqarish amaliyotida davlat rahbari (podshoh, qirol, imperator, amir, xon va boshqalar) atrofidagilardan rasmiy qabul qilingan va faqat davlat rahbari kiyishi mumkin boʻlgan libos bilan ajralib turgan. Shu qoidani davom ettirib, davlat rahbari yashaydigan yoki ishlaydigan imorat va binoga, dala sharoitida – chodirga, harbiy yurish vaqtida – bosh qoʻmondon harakat vositasiga maxsus uzun tayoq yoki nayzaga mustahkamlab qoʻyilgan, koʻpincha turli suratlar (sher, burgut va shu kabilar) bilan bezatilgan mato davlat ramzi va belgisi sifatida oʻrnatilgan. Davlat bayrogʻi davlat mustaqilligining ramzi sifatida davlat rahbari ishlaydigan joyda, oliy qonun chiqaruvchi organ, hukumat, davlat tashkilotlari, elchixona va konsullik binolarida, xalqaro qatnovdagi havo va dengiz kemalarida hamda qonunda belgilangan boshqa vaziyatlarda koʻtariladi. Oʻzbekiston davlat bayrogʻi Oʻzbekiston Respublikasi Oliy Kengashi sessiyasida 1991-yil 18-noyabrda qabul qilingan. Davlat bayrogʻini haqorat qilgan shaxs Jinoyat Kodeksiga binoan jazoga tortiladi.

Izoh yo‘q

Izoh qoldirish

So‘nggi qo‘yilgan

Barchasi

Bir kuni...

17:06 / 24.06.2024 0 73
Ajina ismli qiz

Qatra

15:06 / 20.06.2024 0 149
Tilni qanday saqlab qolamiz?

Bilasizmi?

12:06 / 13.06.2024 0 368
Nemislar qanday qilib sanitar tozalikka o‘rgatilgan?

Qatra

17:06 / 11.06.2024 0 539
Oriyat

Qatra

10:06 / 11.06.2024 0 1029
O‘g‘lim katta ishda ishlaydi…



Ko‘p o‘qilgan

Barchasi

Qatra

20:12 / 07.12.2021 143 208457
Oppoq qog‘oz va qora dog‘

Hikmat

20:12 / 02.12.2021 88 98255
Eshikka osilgan taxtacha

Qomus

11:12 / 29.12.2021 4 24116
Kompetentlik

Qomus

17:08 / 04.08.2023 4 23656
Milliy urf-odatlar

Qomus

10:12 / 28.12.2021 9 17673
Manqurt(lik)

Qomus

15:07 / 28.07.2023 5 16870
Mehmon. Mehmondorchilik odobi. Mehmondo‘stlik

Qomus

12:04 / 17.04.2023 1 15740
Xarakter

Qomus

10:09 / 26.09.2023 3 13983
Ommaviy madaniyat

//