Bardosh – maʼnaviyatli insonning sifatlaridan biri, chidam, sabr, qanoat kabi soʻzlar bilan ifodalanadigan tushuncha. U koʻproq matonat tushunchasiga yaqinroq. “Inson har bir ishni sabr va matonat ila yurutsa, maqsudiga tinch va rohatga borub yetar. Hamisha saodatda yashar” (Abdulla Avloniy). Bardosh insonning oʻz harakatlarini maqsadga yoʻnal tira bilish, qiyinchiliklarni yengib oʻtish, hissiyotlarni, jahlni nazorat qila olish, qiyinchilik va muammolar bilan toʻqnash kelganda qatʼiyat bilan bardosh bera olish kabi hislatlarni anglatadi. Bardosh keskin, murakkab vaziyatda yuksak maʼnaviyat ifodasining ruhiy-xulqiy sharti sifati namoyon boʻladi. Bardoshli boʻlish insonning shaxsiy hayoti, oʻz-oʻzini anglashi, maʼnaviy yuksalishi, axloqiy sifatlarining shakllanishida muhim ahamiyat kasb etadi. Bardosh tushunchasi masʼuliyat, chidamlilik, or-nomus, qadr-qimmat, kelajak sari intilish kabi fazilatlarni ifoda etib, insonning maʼnaviy yuksalib borishiga xizmat qiladi. Ayniqsa, bu tushuncha mamlakat taraqqiyotining burilish pallasida, yangi jamiyat qurish, porloq istiqbol sari intilish jarayonida alohida ahamiyat kasb etadi.