Skeptisizm (yunoncha skeptikos – qayta ko‘rib chiqish, shubhalanish) – IV asrda Yunonistonda yuzaga kelgan, Pirron asos solgan falsafiy oqim. U o‘z ta’limotini Suqrot singari og‘zaki bayon qilgan: biron-bir asar yozib qoldirmagan. U haqda shogirdi Tommonning asarlarida ma’lumot berilgan. Skeptiklar antik dialektikadek qudratli qurolga ega edilar. Ular o‘z o‘tmishdoshlari bo‘lmish Geraklit, eleyliklar, sofistlar, Suqrot, Aflotun, Arastular dialektikasini o‘zlaricha talqin etganlar. Skeptiklar fikricha, haqiqat subyektivdir. Shuning uchun ular haqiqatni ehtimol deb ataydilar. Falsafiy yo‘nalishlarning har biri o‘z yo‘li bilan ezgulikka erishishga olib boradi. Garchand skeptisizm ta’limoti ko‘p jihatdan bilish jarayonining murakkab muammolarini aniqlashga harakat qilgan bo‘lsa-da, lekin obyektiv bilishga nisbatan umidsizlik bilan qarash va rad etishi agnostisizmga olib bordi.