Sentimentalizm (fransuzcha sentimental – sezuvchan) – o‘rta asrlarda g‘arbda zodagonlarning buzuq axloqiga qarshi norozilik kayfiyati ifodalangan oqim.

Mazkur oqim namoyandalarining qarashlarida hunarmandlar, savdogarlar va dehqonlar hayoti zodagonlar xulq-atvoriga qarama-qarshi qilib qo‘yildi hamda oddiy kishilarga nisbatan achinish hislari ifodalandi. Sentimentalizm adabiy oqim sifatida klassitsizmga va mazkur yo‘nalishdagi asarlarga xos mavhum qoidalarga qarshi kurash olib borgan. Sentimentalizm uchun shaxsning ruhiyatini tasvirlash asosiy mezondir. Sentimentalizm ustuvor bo‘lgan asarlar inson hissiyoti yuksak darajada bo‘rttirib tasvirlanishi bilan ajralib turadi.