Dushanba kuni Oʻzbekistonda 91 nafar kishida koronavirus infeksiyasi aniqlanib, 2020-yilning mart oyidan buyon ularning umumiy soni 240 569 nafarga yetdi, deb xabar berdi SSV matbuot xizmati.

Yakshanba kuni 133 kishida kovid aniqlangandi.

Kasallanganlarning 26 nafari Toshkent shahrida roʻyxatga olingan. Samarqand viloyatida esa 12 kishi kasallik yuqtirgani maʼlum boʻldi. Fargʻonada — 11 kishi, qolgan hududlarda aniqlangan bemorlar soni 10 nafardan ortmaydi.

Kasallikdan sogʻayganlarning jami soni 237 941 nafarga yetdi va sogʻayish koʻrsatkichi 99 foizni tashkil etmoqda.