Якшанба куни Ўзбекистонда 133 нафар кишида коронавирус инфекцияси аниқланиб, 2020 йилнинг март ойидан буён уларнинг умумий сони 240,4 минг нафардан ошди, деб хабар берди ССВ матбуот хизмати. Бир кун аввал 139 нафар инсонда COVID-19 аниқланган эди.

Касалланганларнинг 47 нафари Тошкент шаҳрида аниқланган. Фарғона вилоятида эса 21 киши касаллик юқтиргани маълум бўлди. Қашқадарёда — 15 киши, Самарқандда — 13 киши. Қолган вилоятларда аниқланган беморлвр сони 10 нафардан ортмайди.

Ҳозирда вирус юқтирганларнинг умумий сони 240,478 кишини ташкил этади.