“Ayiq qafasidan omon qolgan qizaloq shifoxonadan uyiga qaytdi”, deya xabar bermoqda Sogʻliqni saqlash vazirligi Matbuot xizmati.

Qayd etilishicha, barcha tibbiy koʻriklar ijobiy natija koʻrsatgani va bolaning ruhiy holati meʼyorida ekani inobatga olinib, unga yaqinlari hamrohligida uyiga ruxsat berildi. Qizaloq hozircha buvisining qaramogʻida boʻladi.

Avvalroq, qizaloq Z.A.ning 18 yoshga toʻlguniga qadar salomatligini doimiy nazorat qilish uchun Bolalar milliy tibbiyot markazi va uning direktori, tibbiyot fanlari doktori Alisher Sharipovni shaxsan masʼul etib belgilagani xabar qilingan edi.