17-fevral kuni tonggi soat 08:20 da Qoraqalpogʻiston Respublikasi, Nukus shahri markazidan oqib oʻtuvchi “Doʻstlik” kanalida bir fuqaro choʻkayotgani toʻgʻrisida, ushbu hududdan oʻtib ketayotgan yoʻlovchi FVBga xabar bergan.

Xabarga asosan, FVB gʻavvos-qutqaruvchilari zudlik bilan aytilgan manzilga yetib borib, fuqaroni qutqargan va darxol birinchi yordam koʻrsatib, hayotini saqlab qolgan. Shundan soʻng tez tibbiy yordam xodimlariga topshirilgan.

Avvalroq Oʻzbekistonda “Fidoyi qutqaruvchi” medali taʼsis etilishi mumkinligi haqida xabar berilgan edi.