2026-yilda muborak Ramazon oyining boshlanishi 19-fevral kuniga toʻgʻri kelishi haqida Oʻzbekiston musulmonlari idorasi tomonidan axborot berilgan edi. Prezidentning “Muborak Ramazon oyini munosib tarzda oʻtkazish toʻgʻrisida”gi (PQ–65-son, 16.02.2026-y.) qarorga koʻra, “Ramazon – mehr-muruvvat, ahillik va shukronalik oyi” degan ezgu gʻoya asosida quyidagilarga alohida eʼtibor beriladi:

- kam taʼminlangan, ehtiyojmand, ijtimoiy himoyaga muhtoj insonlarni har tomonlama qoʻllab-quvvatlash;

- mahallalarni oʻzaro hurmat, hamjihatlik, adolat va tarbiya maskaniga aylantirish;

- yer, suv, havo va tabiiy muhitni asrash, muqaddas qadamjolar, ziyoratgoh va qabristonlarni obod etish;

- Ramazon oyi bilan bogʻliq tadbirlarni isrofgarchilikka yoʻl qoʻymasdan, ixcham, mazmunli va tejamkorlik asosida oʻtkazish.

Ramazon oyini oʻtkazish bilan bogʻliq tadbirlar OAVda keng yoritiladi.