“Oʻzbekiston–2030” strategiyasining “Yoshlar va biznesni qoʻllab-quvvatlash yili”da amalga oshirishga oid Davlat dasturiga muvofiq joriy yilda tanlab olingan 14 ta tumandagi 612 ta maktabda sinov tariqasida “Mening maktabim” loyihasi oʻtkaziladi.

Bunda

▪️ 18–27-dekabr kunlari – loyihalarni shakllantirish (10 kun);

▪️ 2025-yil 2–11-yanvar kunlari – loyihalarni saralash (10 kun);

▪️ 13–17-yanvar kunlari – ovoz berish (5 kun) bosqichlari boʻlib oʻtadi.

Ushbu loyihasi doirasida oʻquvchilar tomonidan oʻzlari taʼlim olayotgan maktabni jihozlash va qurilish-taʼmirlash ishlari boʻyicha loyihalar shakllantiriladi hamda oʻquvchilar tanlagan (ovoz bergan) loyihalar moliyalashtiriladi.

Joriy yilda gʻolib loyihalarni moliyalashtirish uchun har bir maktabga 50 mln soʻmdan mablagʻ ajratiladi.

Oldinroq Iqtisodiyot va moliya vazirligi “Mening bogʻcham” loyihasi boʻyicha ovoz berish jarayoni boshlanganini maʼlum qilgan edi.