Shavkat Mirziyoyev Bosh vazir lavozimiga nomzodni ko‘rib chiqish hamda Vazirlar Mahkamasining yaqin va uzoq istiqboliga mo‘ljallangan harakatlar dasturi muhokamasiga bag‘ishlangan majlisida Oʻzbekiston fuqarolari Qozogʻiston va Tojikistonga ID karta bilan oʻtishi mumkinligiga ham to‘xtalib o‘tdi.

“Hozirgi vaqtda fuqarolarimiz Qirg‘izistonga ID karta bilan bemalol borib-kelmoqdalar. Endi shunday tartibni Qozog‘iston va Tojikiston bilan ham joriy etish rejalashtirilgan” – deydi Prezident.

Avvalroq O‘zbekiston va Qozog‘iston fuqarolariga chegaradan ID-karta orqali o‘tishga ruxsat berilishi mumkinligi haqida xabar berilgan edi. O‘zbekiston va Qirg‘iziston fuqarolari har ikki davlat chegarasidan ID-karta bilan o‘tish tartibi hozir amalda.