Hozirda koʻpchilik “agar 300 kVt/soat “tok” ishlatsam, elektr energiyasining hammasiga 900 soʻmlik tarif bilan, jami 225 ming soʻm toʻlashim kerak ekan” deb oʻylayapti. Aslida unday emas.

Masalan, bitta oila bir oyga 250 kVt/soat elektr energiyasi isteʼmol qilgan boʻlsa, ishlatilgan “tok”ning hammasi uchun 900 soʻmdan toʻlamaydi. Agar shunday boʻlsa, unda jami summa 225 ming soʻm boʻladi.

Ayni vaqtda aholi orasida hisob-kitob qilishda shu summani chiqarish orqali, “elektr energiyasi juda koʻtarilib ketdi” qabilidagi tushunmovchiliklar koʻpaymoqda.

Yuqoridagi holatda oila 200 kVt/soat uchun 450 soʻmdan(jami 90 ming soʻm), qolgan ortiqcha 50 kVt/soat uchun esa 900 soʻmdan(jami 45 ming soʻm) toʻlaydi. Shu hisobda umumiy summa 135 ming soʻm boʻladi.

“Yoqilgʻi-energetika sohasida bozor mexanizmlarini joriy etishning qoʻshimcha chora-tadbirlari toʻgʻrisida”gi qaroriga koʻra, isteʼmolchi belgilangan tarifdan ortiqcha elektr energiyasini ishlatsa, belgilangan tarif summasining bir baravarigacha qoʻshimcha haq toʻlaydi.