Murojaatga koʻra, yigit 26-fevral kuni Yuqori Chirchiq tumani hududida joylashgan metan gaz quyish shoxobchasida sodir boʻlgan janjalda behush ahvolga kelgan bola oʻzi ekanligini tan olgan.

U ijtimoiy tarmoq foydalanuvchilaridan uning vafot etgani haqidagi yolgʻon xabarlarni tarqatmasliklarini soʻragan.

Biroq mazkur murojaatga ishonmaganlar ham uchramoqda. Baʼzilar kunikecha tarqalgan videodagi jabrlangan bola u emasligini daʼvo qilgan. Baʼzi OAV vakillari esa oʻsha yigitni kasalxonalardan izlab yurgani aytilmoqda.

Maʼlumot uchun, bugun, 28-fevral kuni metan gaz quyish shoxobchasida sodir boʻlgan katta janjal boʻyicha xabar bergan edik.