Toshkent shahar hokimligi kuchli shamol va chang-to‘zon bo‘yicha aholiga ogohlantirish berdi.

Unga ko‘ra, respublikaning ayrim hududlari, jumladan, Toshkent shahrida kuchli shamol hamda ayrim hududlarda chang-to‘zonlar kuzatilishi mumkin. Shu munosabat bilan poytaxt aholisi va mehmonlaridan ehtiyot choralariga amal qilish so‘raladi:

- zarurat bo‘lmasa, kuchli shamol vaqtida ochiq hududlarda qolmaslik;
- daraxtlar, reklama konstruksiyalari, elektr simlari va yengil qurilmalar yaqinida turmaslik;
- avtomobillarni daraxtlar va mustahkamlanmagan boshqa konstruksiyalar ostida qoldirmaslik;
- chang-to‘zon vaqtida imkon qadar derazalarni yopiq saqlash tavsiya etiladi.