Mazkur imoratlar umumiy hisobda 80 ming xonadonga mo‘ljallangan.

Prezident rahbarligida o‘tkazilgan yig‘ilishda, shuningdek, ko‘p qavatli uylarning tannarxiga ham to‘xtalib o‘tildi. Jumladan, moliyaviy resurs yetishmasligi, bori ham qimmatligi uchun quruvchilar aholi mablag‘larini poydevor quyish bosqichida jalb qilib, ulushdor sifatida rasmiylashtirayotgani aytildi.

Shu bilan birga, yig‘ilishda davlatimiz rahbari tomonidan mutasaddilarga ilg‘or xorijiy tajribani o‘rgangan holda Ipotekani qo‘llab-quvvatlash jamg‘armasini tashkil qilish topshirig‘i berildi.

Bundan maqsad uy-joy qurilishiga aholi ulushdor bo‘lib kirishini huquqiy tartibga solish va qurilish korxonalariga aylanma mablag‘ni ko‘paytirishdir.