Shu maqsadda Qurilish vazirligi, Kadastr agentligi va «O‘zbekkosmos» boshchiligida respublika komissiyasi tuziladi. Prezident raisligida uy-joy, qurilish, kommunal xo‘jaligi, transport va ekologiya sohalarida amalga oshirilgan ishlar va ustuvor vazifalar yuzasidan o‘tkazilayotgan videoselektor yig‘ilishida bu haqida maʼlum qilindi.

Mazkur komissiya muntazam ravishda hududlarning aero va kosmik suratlarini olib, tahlil qiladi va oldingi suratlar bilan tafovutlarni aniqlaydi hamda noqonuniy qurilishlar ro‘yxatini shakllantiradi.