Bagʻdod tumani hokimi farmoyishi bilan tuman hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari Qahramon Murtazoqulovga nisbatan hayfsan chorasi qoʻllanildi.

Farmoyishga davlat fuqarolik xizmatchisining odob-axloq qoidalari, tuman prokuraturasining taqdimnomasi va tuman hokimligining odob-axloq komissiyasining yigʻilish bayoni asos qilingan.

Avvalroq hokim oʻrinbosari obuna rejasini bajarmagan kollej direktorini kaltaklangani haqida xabar berilgandi.

Hozirda holat yuzasidan tuman prokuraturasi tergovga qadar surishtiruv ishlarini olib bormoqda.