DXX Toshkent viloyati boʻyicha boshqarmasi xodimlari tomonidan viloyat bojxona va ichki ishlar boshqarmasi bilan hamkorlikda Bekobod tumani hududida tezkor tadbir amalga oshirildi.

Unda Sirdaryo viloyatining Xovos tumanida yashovchi A.R. noqonuniy tarzda qoʻlbola usulda tayyorlangan 250 mln 800 ming soʻm miqdoridagi 100 ming soʻmlik qalbaki kupyuralarni 100 mln soʻmga sotmoqchi boʻlgan vaqtida qoʻlga olindi.

Eslatib oʻtamiz, DXX yil boshida Navoiyda qariyb 361 million soʻm miqdoridagi qalbaki pullarning muomalaga chiqarilishiga chek qoʻygandi.