Toshkent shahrida Iqtisodiy hamkorlik tashkiloti sammiti oʻtkazilishi sababli bir qancha avtobus yoʻnalishlari oʻzgartiriladi.

“Toshshahartransxizmat” xabariga koʻra, Islom Karimov koʻchasining Furqat koʻchasidan Olmazor koʻchasigacha boʻlgan qismi avtomobillar harakati uchun toʻliq yopilishi sababli, ushbu manzil orqali harakatlanuvchi 51-son avtobus harakati I.Karimov koʻchasidan Afrosiyob, Beshyogʻoch, Furqat koʻchalari orqali oʻtadi.

Shuningdek, 141-sonli yoʻnalish harakati Qoratosh koʻchasidan Furqat, A.Navoiy, Olmazor koʻchalari orqali vaqtinchalik oʻzgartiriladi. 196-sonli yoʻnalish harakati Afrosiyob koʻchasidan Beshyogʻoch, Furqat, A.Navoiy koʻchalari orqali oʻtadi.

Shu bilan birga, ayrim koʻchalarda avtomobillar harakati vaqtinchalik cheklanishi sababli, quyidagi yoʻnalishlarda oraliq interval vaqti oʻzgarishi mumkin:

- Bobur koʻchasi orqali harakatlanuvchi 11, 40, 45, 47, 67, 76, 77, 94-sonli avtobus yoʻnalishlarida;

- Nukus koʻchasi orqali harakatlanuvchi 2, 12, 80, 81, 97, 127, 196-sonli yoʻnalishlarda;

- Oybek koʻchasi orqali harakatlanuvchi 57, 67-sonli yoʻnalishlarda;

- Afrosiyob koʻchasi orqali harakatlanuvchi 13, 196-sonli yoʻnalishlarda;

- Sh.Rashidov koʻchasi orqali harakatlanuvchi 30, 37, 57, 85, 97, 140-sonli yoʻnalishlarda;

- I.Karimov koʻchasi orqali harakatlanuvchi 1, 19, 21, 51, 60, 67, 85-sonli yoʻnalishlarda;

- A.Navoiy koʻchasi orqali harakatlanuvchi 28, 30, 37, 44, 46, 57, 68, 78, 89, 91, 97, 115, 140-sonli yoʻnalishlarda.

Aeroportga borishni rejalashtirgan fuqarolardan vaqtinchalik oʻzgarishlarni hisobga olgan holda yoʻlga chiqish soʻralmoqda.

Mavzuga doir: Toshkentdagi ayrim koʻchalar 3 kunga yopiladi (roʻyxat)