Vazirlar Mahkamasi qarori bilan Nodirjon Xolboʻtayev (Nodir Jonuzoq) Davlat tilini rivojlantirish departamenti mudiri lavozimiga tayinlandi.

U bunga qadar Yozuvchilar uyushmasi raisining birinchi oʻrinbosari edi.

Nodir Jonuzoq 1976-yilda Samarqand viloyatining Bulungʻur tumanida tugʻilgan. Koʻp yillar “Yoshlik” jurnaliga bosh muharrirlik qilgan.

U 2018-yil aprelida Oʻzbekiston Yozuvchilar uyushmasi raisining yoshlar bilan ishlash masalalari boʻyicha oʻrinbosari boʻlgan, 2019-yil dekabrida uyushma raisining birinchi oʻrinbosari lavozimiga tayinlangan. 2022-yilda esa Prezidentining yoshlar, fan, taʼlim, sogʻliqni saqlash, madaniyat va sport masalalari boʻyicha maslahatchisi oʻrinbosari lavozimida faoliyat yuritgan.