Fransiyaning mashhur “Kann” kinofestivali doirasida o‘tkazilgan 17-xalqaro “ENTRE DEUX CANNES” inklyuziv kinofestivalida rejissyor Dilshod Usmonovning “QADAM. QUYOSH BOLASI YUSUF” qisqa metrajli filmi festival oliy mukofoti - Gran-prini qo‘lga kiritdi.

Ma’lumot uchun, film Kinematografiya agentligi buyurtmasiga binoan, “Yoshlik” kinostudiyasida suratga olingan.

Film qahramoni Yusuf — Daun sindromi bilan tug‘ilgan bola. Ammo uning qalbida cheksiz nur, musiqaga muhabbat va hayotga ishonch yashaydi. Onasi Zilola esa farzandining jamiyatda o‘z o‘rniga ega ekanini isbotlash uchun kurashadi.