Oliy taʼlim, fan va innovatsiyalar vazirligi abituriyentlarni roʻyxatga olish bugun, 20-iyun sanasida kunning ikkinchi yarmida boshlanishini maʼlum qildi.

“Maʼlumki, oliy taʼlim muassasalarining bakalavriat taʼlim yoʻnalishlariga abituriyentlarni roʻyxatga olish har yili 20-iyundan 20-iyulga qadar amalga oshirilishi belgilangan.

 

Ayni vaqtda 2023/2024-oʻquv yili uchun maqsadli qabul parametrlari va qabul parametrlarining tillar kesimidagi taqsimotini my.uzbmb.uz saytiga joylashtirish ishlari yakunlanmoqda”, – deyiladi xabarda.

Avvalroq abituriyentlarni onlayn roʻyxatga olish boshlangani haqida xabar berilgandi. Bu haqidagi xabar MyGovUz Telegram kanalida eʼlon qilingandi. Biroq birozdan keyin bu xabar kanaldan oʻchirildi.