Elektr qurilmalarini taʼmirlash va yangilash ishlari ketayotgani sababli 15-iyun kuni Toshkent shahridagi ayrim hududlarda taʼminotda uzilish boʻladi. Bu haqda “Hududiy elektr tarmoqlari” AJ poytaxt filiali xabar qildi.

Yashnobod tumani: “Tovkantepa” hamda “Mirishkor” MFYlarining ayrim hududlari — soat 16:00 gacha.

Mirobod tumani: “Inoqobod” va “Banokatiy” MFYlarining ayrim hududlari — soat 17:00 gacha.

Chilonzor tumani: “Qatortol” hamda “Hosilot” MFYlarining ayrim hududlari — soat 17:00 gacha.

Yuqoridagi hududlarda taʼmirlash ishlari belgilangan vaqtdan avvalroq yakunlanishi mumkin.

Qayd etish kerak, soʻnggi kunlarda taʼmirlash ishlari sababli Toshkent shahrida rejaviy uzilishlar amalga oshirilmoqda.