Oʻzbekiston Respublikasi tashqi ishlar vaziri v.b. Baxtiyor Saidov boshchiligidagi mamlakat delegatsiyasi 2023-yil 28-fevral kuni Ostona shahrida (Qozogʻiston Respublikasi) boʻlib oʻtadigan “C5+1” shaklidagi Vazirlar yigʻilishida ishtirok etadi.

Tadbir davomida Oʻzbekiston Respublikasi, Qozogʻiston Respublikasi, Qirgʻiz Respublikasi, Tojikiston Respublikasi, Turkmaniston va Amerika Qoʻshma Shtatlari tashqi siyosat idoralari rahbarlari tomonlarni qiziqtirgan sohalarda mazkur mexanizm doirasidagi hamkorlikning dolzarb masalalarini muhokama qiladilar.

Qayd etish kerak, AQSH Davlat kotibi Entoni Blinken ushbu C5+1 formatidagi vazirlar uchrashuvida ishtirok etish uchun Qozogʻistonga ilk rasmiy tashrifini amalga oshirishini maʼlum qilgandi. U, shuningdek, Oʻzbekistonga ham kelishni rejalashtirgan.