Amerika Qoʻshma Shtatlari Davlat kotibi Entoni Blinken 2023-yil 28-fevral − 1-mart kunlari Toshkent shahriga tashrif buyuradi.

Tashrifning asosiy maqsadi Oʻzbekiston-AQSH strategik sherikligini yanada rivojlantirish masalalarini muhokama qilishdan iboratdir.

Shuningdek tashrif oziq-ovqat va energetika xavfsizligi, barqaror rivojlanish, giyohvand moddalarni nazorat qilish, global sogʻliqni saqlash, gumanitar yordam va tabiiy ofatlar oqibatlarini bartaraf etish sohasida koʻp tomonlama munosabatlarni mustahkamlash va hamkorlikni chuqurlashtirishga bagʻishlanadi.