23-yanvar kuni bosh vazir Abdulla Aripov rahbarligidagi yigʻilishida Gidrometeorologiya xizmati tomonidan 23–27-yanvar kunlari respublikaning aksariyat hududlariga nisbatan sovuq havo massasi kirib kelishi va havo harorati joylarda kechasi -5...-18 daraja sovishi prognoz qilinayotgani aytilgan.

Yigʻilishda oʻtgan 15 kun davomida amalga oshirilgan tadbirlarni yanada kuchaytirgan holda shtablar faoliyatini davom ettirish topshirilgan.

Bundan oldinroq “Oʻzgidromet” ish haftasi oxirigacha sovuq havo massasi taʼsiri saqlanib turishi, respublika boʻyicha yogʻingarchilik kutilmasligi, faqat 25-yanvar kuni respublikaning togʻ oldi va togʻli hududlarida baʼzi joylarda biroz qor yogʻishi haqida xabar bergandi.