Oʻzgidromet 23−27-yanvar kunlari Oʻzbekiston hududida kuzatiladigan ob-havo maʼlumotini taqdim etdi.

Unga koʻra, 23-yanvar kuni Oʻzbekiston hududiga sovuq antitsiklon periferiyasi taʼsir etib turadi. Respublikaning barcha hududlari boʻyicha havo biroz, vaqti-vaqti bilan oʻzgarib turadi, yogʻingarchilik kutilmaydi.

Kunduzi havo harorati −3 — +2 daraja atrofida, ayrim joylarda −5 darajagacha sovuq boʻladi.

Ish haftasi oxirigacha sovuq havo massasi taʼsiri saqlanib turadi. Respublika boʻyicha yogʻingarchilik kutilmaydi, faqat 25-yanvarda respublikaning togʻ oldi va togʻli hududlarida baʼzi joylarda biroz qor yogʻadi.

Kechalari havo harorati −8−13 daraja sovuq, baʼzi joylarda −15−17 darajagacha sovuq, kunduz kunlari −3 — +2 daraja, baʼzi joylarda −5 darajagacha sovuq boʻladi.

Respublika boʻyicha baʼzi joylarga tuman tushishi kuzatiladi. Yoʻllarda ayrim joylarda yaxmalak yuzaga kelishi saqlanib turadi.