Oʻzbekistonlik yosh rejissyor Shokir Xoliqov “Bahorsiz umr” hujjatli filmi Turkiyada eʼtirof etildi.

Rejissyorning feysbukdagi sahifasiga koʻra, film “Turk dunyosi hujjatli filmlari festivali”da “Turk dunyosi faxriy mukofoti”ga loyiq koʻrilgan.

Eslatib oʻtamiz, Shokir Xoliqovning ushbu filmining Markaziy Osiyodagi premyerasi Qozogʻistonda oʻtkazilgandi.

Avvalroq Shokir Xoliqov Qozogʻistonda oʻtkazilgan “Salem Short” pitching kinotanlovida “Oyoq” (Noga) ssenariysi bilan gʻolib boʻlgan va film tanlov tashkilotchilari tomonidan moliyalashtirilishi maʼlum qilingandi.